28-6-2012 నాటి నిషిద్ధాక్షరి - 4(టవర్గ (ట,ఠ,డ,ఢ,ణ) అక్షరాలను ఉపయోగించకుండా టంగుటూరి ప్రకాశం పంతులు గురించి మీకు నచ్చిన ఛందంలో పద్యం వ్రాయండి.)

సుప్రకాశ భరత దేశ శోభ గోరి
రోషమున తుపాకి నెదరి రొమ్ము జూపి
శ్వేత గజముల స్వప్నాల సింగ మవ్వ
ఆంధ్ర కేసరి బిరుదమ్ము నతికె సుమ్ము!

27-6-2012 నాటి సమస్యాపురణం

శ్రీకృష్ణ భగవానుడు  సంధి జేయుటకు సుయోధనునితో పలికిన పలుకులు :

వినుము సుయోధనా! తమరు పెట్టిన బాధలనోర్చిపాండవుల్ 
ననునిటు దూతగన్ బనుప నాశము గోరక సంధి జేయగన్ 
కనుగొన వచ్చితిన్ జనుల గావగ యుద్ధము మాన్పగ న్నివా 
రణమది శాంతిసౌఖ్యముల రాజిలఁ జేయుచుఁ గూర్చు శ్రేయముల్.

26-6-2012 నాటి సమస్యాపూరణం

 
(అభిజ్ఞాన శాకుంతలం భూమికగా)

సుమశరు తూపు కౌశికుని, సుందరి మేనకఁ గూడఁ జేయఁగన్ 
సుమసుకుమార పుత్రిఁగని చూడక గానల వీడ, కణ్వు నా 
శ్రమపు శకుంతలాఖ్య యయె,రాజొకఁ డామెను జూచు, నాటకీ 
యము గని ముచ్చటంబడి మహాకవి మెచ్చెను గూర్చె సత్కృతిన్ ! 

వర్ణచిత్రానికి పద్య రచన

వెన్న గిన్నె నేల వీధుల దేచ్చేవు
నాడి పోసు కొనగ నాడ వారు
దొంగ వాడవనుచు తోటి వారాలు దిట్ట
నింద లన్ని స్తుతుల? నీకు కృష్ణ?

దత్తపది - 21 (అక్క, అన్న, వదిన, మామ) (25-6-2012)

శ్రిగురుభ్యోనమః

అక్కడి పతియే మదిలో
నిక్కడ కలడన్న సీతనిక నీవిడక
న్నిక్కిన  చావది నక్కును
జక్కగ వినుమా! మముగని జాతిని నిలుపన్!

24-6-2012 నాటి సమస్యాపూరణం

విద్య కొలవుల నందించు వేల వేలు
కొలువు లిచ్చెడు వాడిగ( గూడ (జేయు 
మైక్రొ సాఫ్టు బిల్ గేట్స ట్లు విక్రమించి 
కడు దరిద్రు(డు రాజయోగమ్ము నందె

22-6-2012 నాటి సమస్యాపూరణం

గోలీ లాటలనుండే
జాలీ తిరుగుడు,జులాయి, జారిణి సుఖముల్
గ్రోలియు నేడట్టి విలా
సాలిని ద్యజియించెడి పతి హాయిగ నుండున్.

23-6-2012 నాటి సమస్యాపూరణం

ధర్మపాలనమన  తల్లడిల్లెడివారు
తరుణులందుఁబెళ్ళితంతులందు

ప్రాణ మాన విత్త హానులదప్పింప
కల్లలాడువారుకవులుసుమ్ము

21-6-2012 నాటి శంకరాభరణం సమస్యకు పూరణం

వశుడై కౌశికు తోడన్ 

కుశలురనగ తమ్ము రాము గూడి వనముదౌ 

దిశ(బంపనెంచ విచలిత 

దశరథు(డే ,పనులకేగె(దపసులు మెచ్చన్.

మద్యనిషేధ చట్టమును మాన్యుడు రాము(డు రూపు దిద్దగన్
చోద్య మదేమియో పిదప చోదకులెల్లరు నీరుగారినన్
బాధ్యత లేక పాక్షికపు మార్పులజేయగ నిశ్చయించినన్
 మద్యనిషేధచట్టమును మానిను లెల్లఁ దిరస్కరించిరే!


(రాముడనగ శ్రీ నందమూరి తారక రామరావుగారనుకొనప్రార్థన )

అర్జునుడు కృష్ణుడితో పలికిన పలుకులు:

 నీదు వాత్సల్య బలమున నీరజాక్ష !

  బిడ్డడా వాడు? రణరంగ భీకరుండు

  శత్రువుల ద్రుంచ వంచించి చంపినారు 

  ధర్మ సంరక్షణము వీడి దాగనేల?  


కంది శంకరయ్య చెప్పారు...
సహదేవుడు గారూ, 
సహదేవుడా సెబాసని
యహమహమిక లేక మెత్తు రందరు నీ ఖే
దహరమ్మగు పూరణమును,
మహనీయుడు పార్థసఖుడు మధురిమనొసగున్ 

శ్రిగురుభ్యోనమః
ఆర్యా,
ధన్యవాదములు. తమరిసూచన  మేరకు  సవరణ:


ఆత్మ దెలియు నంతర్ముఖ యాణ మందు
నిత్య తద్ధ్యాన సాధన నేర్పు నిచ్చు
భువిని పంచేంద్రి యాసక్త భోగ, మోహ
జాలమే యవరోధమ్ము సాధకులకు 

దైవ పూజలే మనకిచ్చు ధర్మగుణము
వివిధ భక్తి మార్గములు ప్రాప్తించు టన్న
తనదు గతజన్మ పుణ్యంబు ,దైవ ప్రేరి
తమ్ము, గొలచిన యెడల స్వాంతమ్ము లలరు.http://kandishankaraiah.blogspot.in/2012/06/738.html?showComment=1339943463326#c2260088178295925326

అమరిన పొదినందు నన్వాస్త్రమొకటైన
పొరుగువానిమదినిఁబుట్టుభయము
తెప్పఱిల్లిపొందఁ ధీటైనతద్దణు
బాణు,రాజ్యమొసగుపరమసుఖము

June 16, 2012 9:22 PM

అరయ రావణుండుహరివరాధీనుడై
మోక్షగాముడైనరాక్షసుండు
తాక కుండఁసీతఁ తనచావుకైదెచ్చి
రక్షణమ్మునొసఁగురాక్షసుండు

June 15, 2012 7:15 PM 

http://kandishankaraiah.blogspot.in/2012/06/735.html

మేలిమి బడిలో(  జేర్చిన
కాలానుగుణంపు పోటి( గానక ( దిరుగన్
కూలీ బ్రతుకే సరి,గున
పాలిమ్మని సుతుని భర్త పాలికి( బంపెన్!

బిడ్డకుఁబెండ్లిఁజేయగనుమేలిమిచీరలఁదెచ్చి,పట్టుదౌ
గుడ్డకురంగులన్గలిపికొంగునకద్దగ సంప్రతించగన్
దొడ్డగురూపమున్వెలయుఁదూలికఁబట్టుకునిట్టులెర్ర రం
గడ్డము గీచుకొమ్మనుచుకాంతుఁడుభార్యకుఁజెప్పెఁబ్రీతితోన్.

June 13, 2012 2:41 PM 

 భౌతిక సుఖ ధుఖ బాట భ్రాంతి యనుచు
 శాశ్వతమగు సంత  సంబు వెదకి
 తరగి పోని సచ్చిదానంద మొసగెడు
  భోగ రక్తుడగు  ముముక్షు వెపుడు   

శ్రీఆదిశంకరాచార్యులవారు చిన్నవయసులోనెఅస్తమించుటను అన్వయిస్తూ:

కారె శంకరులాధ్యాత్మికాకశాన
సూర్యభగవానుఁబోలినశుద్ధవెలుగు
కాంతులిటకావలసియున్నకన్నుమూయ
వార్ధిలోమున్గెభానుడుపగటివేళ! ...........(.సమస్య )

June 10, 2012 10:32 AM 

మూకలకొద్దిసైన్యమునబోలెడువీరులునిండియుండగన్
రాక జయంబునెట్లుఁజను రాజ్యమువీరులభోజ్యమంచుపెన్
గేకలుపిక్కటిల్లగనె,గెల్చెడునూహలు'కావు' 'కావ'నన్
గాకినిఁజంపికౌరవులుగర్జనసేసిరిసంతసమ్ముగన్!

June 09, 2012 10:07 AM 

Pandita Nemani చెప్పారు... శ్రీ సహదేవుడు గారి పూరణ చాలా బాగున్నది. కౌరవులకున్న అధికమైన సేనతో గెలుస్తారనే ఊహలు నిజము కావు కావు అని అరచిన ఒక కాకిని వారు చంపినట్లు అర్థమగుచున్నది. భావ వైవిధ్యము - చాల బాగున్నది. 

1.బ్రతుకీడ్చగ దొమ్మరి దం
   పతులే విన్యాసమెంచి పటిమనుజూపన్
   అతి కష్టంబుగ నిలువన్
   పతిపైనన్ బరమసాధ్విపాదము మోపెన్!

    June 08, 2012 7:48 PM 

2.పితరులసద్గతికొరకై
  క్షితిపైగంగాస్రవంతిచిందులనోపన్
  నుతియించభగీరధుఁడా 
  పతిపైనన్ బరమసాధ్విపాదము మోపెన్!

  June 08, 2012 10:08 PM 

1. కొండలప్రేల్చెడుయెండలు
    మండగ, వడగాలులబడి బ్రతుకులుమాడన్
    నిండైన నీడన,విడచి
    ఎండనునిద్రించ సుఖమునిచ్చునుమిగులన్

2. గుండక్కఁబోలుగయ్యా
    లుండినఁబతికెట్లునిద్రలుండును పోరన్
    మెండగునీడన,వీడియు
     నెండను,నిద్రించసుఖమునిచ్చునుమిగులన్!

     June 07, 2012

కంది శంకరయ్య చెప్పారు...

మీ మొదటి పూరణ చాలా బాగుంది. 
మీ రెండవ పూరణ చమత్కారభరితమై అలరిస్తున్నది. అభినందనలు.

పూలే లేవని యలుగడు
పాలేలేకనభిషేకమడుగడుశివుడా
లీలలుపాడినమస్కా
రాలనురువ్వుజనులకువరాలనొసంగున్!

June 01, 2012 6:18 PM 

రాముడుధర్మవిగ్రహమని రాజ్యము లోకముప్రస్తుతింపగన్
ప్రేమలుజూపగన్ మిగులపిన్నలుపెద్దలుమ్రొక్కుచుండగన్
రాముడుసేయలేనిపనిరా?కపులెల్లరకున్ సుసాధ్యమే
రామునినామమేజగతిఁరక్షణజేయునటంచుఁదెల్పగన్!

June 06, 2012 8:31 PM 

భారమనక హిమ్సోధ్యమ 
సారధిస్వాతంత్ర్యదేశసాధకుడాయెన్
పోరాటపటిమగల శ్రీ
కారములేకున్నకావుకార్యములెందున్!

June 05, 2012 6:47 PM 

ఆశావాదదృక్పథ స్పూర్తితో:
పోరుకు ముందరె క్రీడా
కారులు'వి' నిజూపి విజయకాంక్షనుదెలుపన్
జేర విజయతీరమ్ము 'వి'
కారము లేకున్న కావుకార్యములెందున్

June 05, 2012 7:41 PM 

కంది శంకరయ్య చెప్పారు..

మీ రెండవ పూరణ చమత్కారభరితమై ఉత్తమంగా ఉంది. భళీ!

భర్తచావుమండోదరిమదినిఁదోచె
స్త్రీసహజచిత్తమేపతిధ్యాసగొల్ప
రావణాగమనముఁగోరె,రమణిసీత
కోరె రామనాధుని ప్రేమకొరతదీర!

June 04, 2012 10:54 PM 

3/06/12 నాటి సమస్య కు పూరణం

ఖర సురభీ జన్యువులే
సరి క్లోనింగుమిలితాన జననం 
ధరణీతలంబునందున్
సురభికిజన్మించెఖరముచోద్యమెటులగున్

2 -6 -2012 నాటి సమస్యకు నా పూరణ

అనవరతము హరి కీర్తన

సునిసితపు నడత, పలుకున్ సూనృత  వాక్యము

తొణికించియు  కరుణా భరి

త నయను సేవింప నొదవు దద్దయు సుఖముల్!