అవినీతికి సాటి ధర్మ మవనిన్ గలదే!
 9/22/2012 06:16:00 AM

చవి చూడ నొక్క మారు ప
దవు లిచ్చెడి గ్రాస తీపి తరమే మరువన్!
శివ! పదవే చిరునామా
అవినీతికి, సాటి ధర్మమవనిన్ గలదే!  

భారత క్రికెట్టు ఆటగాడు సచిన్ టెండుల్కర్కు అభినందనలతో... కిడ్డు నాటి నుండి కిట్టుతో మొదలెట్టి యిల క్రికెట్టు నందు వెలుగు వెలిగి పరుగు లెట్టి పొందె భారత రత్నమ్ము యోగ్యతన్న నిదియె యువకు లార!

శ్రీ షిర్డి సాయి పై భక్తి గీతం: పల్లవి:జగన్నాయక శ్రీ సాయి దేవా! ॥2॥ శ్రీరాముడైన శ్రీకృష్ణుడైన మరే దైవమైన నీవే లే ॥జగ॥ చరణం 1: ఏ విరి మల్లివిరబూసినా నీ చరణాల దరి కోరునూ! హే పరమాత్మ యని వేడగా మాకు వరమీయ దిగివత్తువే! నీ ప్రతి నామము యెంతొ కమనీయమూ ॥2॥ ॥జగ॥ చరణం 2: ఒక్కక్షణమైన నిను వేడినా నిక్కమే మాకు దుఃఖ ముండదూ నీ కథ లన్ని కొనియాడగా మా వెతలన్ని తొలగేనుగా సాయి సత్సంగమం యెంత హృదయంగమం ॥2॥ ॥జగ॥

ఇందుగలదందు లేదని సందేహము వలదు గాంచ సౌందర్యమదే యెందెందు వెదకి జూచిన నందందే గలదు మానవాక్షము కంటే

సమస్యాపూరణం - 828 (నెలలో సుతుగన్న తల్లి)

శుక్రవారం 21 సెప్టెంబర్ 2012

సమస్యాపూరణం - 828 (నెలలో సుతుగన్న తల్లి)

కలగన్న చదువు ముగియగ
నిలలో గర్వించు రీతి నెత్తున కెదగన్
వెలలేని దీవెనల వె
న్నెలలో సుతుగన్న తల్లి నిగనిగ లాడెన్!

శుక్రవారం 21 సెప్టెంబర్ 2012

పద్య రచన - 119

భీమాంజనేయ ఘనులన్ 

                           స్వామీ సుతులుగ బడసిన సబలుండవు! యీ

భూమిన్ వర్షించ వరుణ

                         స్వామికి నేస్తునిగ రావె! సరయా   ! బ్రోవన్!’ 

వాయువు

గురువారం 20 సెప్టెంబర్ 2012

సమస్యాపూరణం - 827 (ధర్మపాలన కంటె)

రామరాజ్యాన ధర్మ విరామ మేది?

విశ్వమంతయునమ్మెడువిషయ మైన!

గర్భవతి సతి కంతటి కష్ట మేల?

ధర్మ పాలన కంటెఁ బాతకములేదు!

గురువారం 20 సెప్టెంబర్ 2012

పద్య రచన - 118

స్వల్పనీరము దొరకనియల్పులమయ!


నీరె జీవనా ధారంబు, నీదుకరుణ

వరుణ మాపై కురియజేసి వర్షమొసగు

సన్నుతింతుము నిను యాద సాంపతిగను!

బుధవారం 19 సెప్టెంబర్ 2012

సమస్యాపూరణం - 826 (విఘ్నపతికి మ్రొక్క)

గురువులందరి కారోగ్య వరములొసగి

బ్లాగు మిత్రులెల్లరకును బాగునిచ్చి

శంకరాభరణంబిట్లు సాగునట్లు

వేడెదను శంకరుని సుతు విఘ్ననాథు.

0..0..0..**-**..0..0..0

భక్తిభావముంచి పార్వతీ సుతుడైన

విఘ్నపతికి మ్రొక్క , విఘ్నములిడు

వార లెంద రెంత వారైన పారరె?

పరశు,పాశములకు దొరక కుండ! 

బుధవారం 19 సెప్టెంబర్ 2012

పద్య రచన - 117

మ్రొక్కెద మనస్సు నందున్

ముక్కంటి తనయు గిరిసుత ముద్దుల బిడ్డన్

మక్కువగా నుండ్రాళ్ళను

మ్రెక్కెడు బొజ్జగణపతిని మేటి చదువరిన్!

  

సమస్యాపూరణం - 817 (ఇద్దఱు సతు లున్నవాఁడె)

ఆదివారం 9 సెప్టెంబర్ 2012

సమస్యాపూరణం - 817 (ఇద్దఱు సతు లున్నవాఁడె)

హద్దేలేకఁబసిడెగయ
నెద్దానికి నేమి దెచ్చు? నిష్టముదీర్చన్
ముద్దుగ నొకతే నుండిన
నిద్దఱు సతులున్న వాడె? యిల ధన్యుడగున్!

సెప్టెంబర్ 09, 2012 9:52 సా 

పద్య రచన - 107

ఆదివారం 9 సెప్టెంబర్ 2012

పద్య రచన - 107

లింగడు మృకండు సుతునా 
లింగనమునకాయువునిడి లేరెవ్వరనన్ 
గొంగున బంగారంబై
కంగు తినన్ కాలదన్ను గాలుని మేనిన్ !