భారత క్రికెట్టు ఆటగాడు సచిన్ టెండుల్కర్కు అభినందనలతో... కిడ్డు నాటి నుండి కిట్టుతో మొదలెట్టి యిల క్రికెట్టు నందు వెలుగు వెలిగి పరుగు లెట్టి పొందె భారత రత్నమ్ము యోగ్యతన్న నిదియె యువకు లార!

శ్రీ షిర్డి సాయి పై భక్తి గీతం: పల్లవి:జగన్నాయక శ్రీ సాయి దేవా! ॥2॥ శ్రీరాముడైన శ్రీకృష్ణుడైన మరే దైవమైన నీవే లే ॥జగ॥ చరణం 1: ఏ విరి మల్లివిరబూసినా నీ చరణాల దరి కోరునూ! హే పరమాత్మ యని వేడగా మాకు వరమీయ దిగివత్తువే! నీ ప్రతి నామము యెంతొ కమనీయమూ ॥2॥ ॥జగ॥ చరణం 2: ఒక్కక్షణమైన నిను వేడినా నిక్కమే మాకు దుఃఖ ముండదూ నీ కథ లన్ని కొనియాడగా మా వెతలన్ని తొలగేనుగా సాయి సత్సంగమం యెంత హృదయంగమం ॥2॥ ॥జగ॥

ఇందుగలదందు లేదని సందేహము వలదు గాంచ సౌందర్యమదే యెందెందు వెదకి జూచిన నందందే గలదు మానవాక్షము కంటే